ودعتها يا ابوالوليد انا تالي عصيـر
ودعتها يا خوك والقلب سافر معاهـا
قالت في أمان الله وأشوفك على خير
ماتدري إن الخيـر يسبـق خطاهـا
وما تدري إن البعد لاطـال تعزيـر
يقتل خفـوق (ن) ماتمنـى سواهـا
وماتدري إن دمع العين اصدق تعابير
وبعيونها لاحظـت صـادق غلاهـا
ودعتهـا مابيـن حيـره وتفكـيـر
ومابين لوعـات الفـراق وشقاهـا
ودعتها ومـا شفـت للبعـد تفسيـر
غير الجروح ألنازفـه مـن بطاهـا
يالله طلبتـك يـوالـي المقـاديـر
يامظهر انجوم السماء فـي دجاهـا
تجعلها فـي كـل خطـوه تياسيـر
وتردهـا للـي تـحـراء لقـاهـا
ليست هناك تعليقات:
إرسال تعليق